Սլովակիայում մեկնարկել է երկրի վարչապետ Ռոբերտ Ֆիցոյի դեմ մահափորձի հեղինակ Յուրայ Ցինտուլայի դատավարությունը։ Դատախազությունը 72-ամյա ամբաստանյալի համար ցմահ ազատազրկում է պահանջում։
Մեղադրող կողմը Ցինտուլայի գործողությունները ահաբեկչություն է որակել, նրա պաշտպանները, սակայն, պնդում են, որ նա միայնակ է գործել, ուստի և նրա արարքը չի կարող ահաբեկչական գործողություն որակվել։
Ինքը՝ մեղադրյալն ընդունում է, որ կրակել է վարչապետի ուղղությամբ, սակայն պնդում է, որ նրան սպանելու մտադրություն չի ունեցել։
